ՄԱԿ-ը. Իրանի և Իսրայելի հակամարտության հետևանքով զոհվել կամ վիրավորվել է 2100-ից ավելի երեխա
ՄԱԿ-ի Մանկական հիմնադրամի (ՅՈՒՆԻՍԵՖ) գործադիր տնօրենի տեղակալ Թեդ Չայբանը հայտնել է, որ Մերձավոր Արևելքում ընթացող հակամարտության հետևանքով, որը սկսվել է ապրիլի 13-ին, Իրանի և Իսրայելի միջև, ինչպես նաև Իրանի պատասխան գրոհների արդյունքում, տարածաշրջանի երեխաների շրջանում ավելի քան 2100 զոհ և վիրավորված դեպք է գրանցվել։
«Մերձավոր Արևելքում հակամարտության սրման 23 օրվա ընթացքում տարածաշրջանի երեխաներն իրենց վրա զգում են դրա սարսափելի հետևանքները»,- ասել է նա ճեպազրույցի ժամանակ։
Ըստ նրա՝ Իրանում զոհվել է 206 երեխա, իսկ Լիբանանում՝ 118։ Իսրայելում սպանվել է չորս երեխա, իսկ Քուվեյթում՝ մեկը։
Պաշտոնյան նշել է, որ մարտական գործողությունների շարունակման դեպքում զոհերի թիվը կաճի։ Նա ընդգծել է, որ պատերազմի սկզբից ի վեր օրական միջինը վիրավորվում կամ զոհվում է 87 երեխա։
Չայբանը նաև հավելել է, որ հակամարտության հետևանքով ավերվել կամ վնասվել են «տներ, դպրոցներ, հիվանդանոցներ» և այլ ենթակառուցվածքներ, որոնցից կախված է երեխաների բարեկեցությունը։
Հարվածների հետևանքով լուրջ վնասներ կրել են Թեհրանի Գոլեստանի պալատը, Չեհել Սոթուն պալատը և Սպահանի Մասջեդ-է-Ջամի մզկիթը։ Իրանի հետախուզության նախարար Էսմայիլ Խաթիբին սպանել են, ինչի մասին հայտնել է Իրանի նախագահ Մասուդ Փեզեշքիանը։
